कवि सरकार इंगळी
ज्येष्ठ साहित्यिक चंद्रकुमार नलगे यांना महाराष्ट्र साहित्य परिषद शाखा-वारणानगर च्या वतीने पहिला जीवनगौरव पुरस्कार जाहीर करण्यात आला.दि.7 व 8 डिसेंबर रोजी शाखेच्या वतीने विभागीय साहित्य संमेलनाचे विनय कोरे क्रीडा व सांस्कृतिक विकास केंद्र,वारणा विद्यापीठ,वारणानगर येथे आयोजन करण्यात आलेले आहे.
ग्रंथदिंडी,परिसंवाद,निमंत्रितांचे कवी संमेलन,कथा-कथन,ग्रंथ पुरस्कार वितरण आदी कार्यक्रम होणार आहेत.ग्रंथ व विविध वस्तू विक्री स्टाॅल उपलब्ध केले आहेत. संमेलनाध्यक्षपदी साहित्य अकादमीचे अध्यक्ष,पानिपतकार,विश्वास पाटील व स्वागताध्यक्ष,आ.डाॅ.विनय कोरे भूषवणार आहेत.मसापचे अध्यक्ष रावसाहेब कसबे,खा.धैर्यशिल माने, दलितमित्र, आ.अशोक माने,मसाप कार्याध्यक्ष मिलिंद जोशी,मसाप प्रमुख कार्यवाह-सुनिता पवार,विभागीय कार्याध्यक्ष-राजन मुठाणे यांची उपस्थिती आहे.
या निमित्ताने सन 2022-23 या वर्षात प्रकाशित साहित्यकृती मागवण्यात आलेल्या होत्या.यामधून निवड समितीने खालील साहित्य कृतींची निवड केलेली आहे.
1)स्व.तात्यासाहेब कोरे कादंबरी पुरस्कार
‘काळमेकर लाईव्ह’बाळासाहेब लबडे,गुहागर
2)स्वर्गीय सावित्रीअक्का कोरे काव्य पुरस्कार
‘अंतस्थ हुंकार’ शिवाजी शिंदे,सोलापूर
3)स्व.शोभाताई कोरे कथा साहित्य पुरस्कार
‘वसप’महादेव माने,सांगली
4)स्व.विलासराव कोरे संकीर्ण साहित्य पुरस्कार
‘परिघाच्या रेषेवर’ राजू पोतदार,कोल्हापूर
5)स्व.मामासाहेब गुळवणी बालसाहित्य पुरस्कार
‘अंगत पंगत’ शिवाजी चाळक,पुणे
वरील पुरस्काराचे वितरण संमेलनाच्या समारोप सत्रात सन्मानपूर्वक केले जाणार आहे.अशी माहिती मसाप-अध्यक्ष आ.डॉ.विनय कोरे व कार्याध्यक्ष- ग्रंथमित्र-डॉ.के.जी.जाधव यांनी दिली. वारणा परिसरातील साहित्य प्रेमिंनी याचा लाभ घ्यावा असेही आवाहन केले आहे. यावेळी मसाप वारणा पदाधिकारी,डाॅ.श्रीकांत पाटील,चंद्रकांत निकाडे,पी.एस.पाटील,पी.आंबी, पी.बी.बंडगरसर,शिवाजी बोरचाटे,प्रा.डाॅ.गिरी,प्रा.सुरेश आडके,अभिजीत कुंभार उपस्थित होते.
Leave a Reply