अमरावती शहरातील बिच्छू टेकडी या झोपडपट्टीतील सौरभ अभ्यंकर हा आपल्या अमरावतीचे नाव आपल्या रॅप संगीताच्या माध्यमातून पूर्ण भारतभर उंचवत असताना त्यांनी आणखी एक दिग्गज संगीतकार जोडी सोबत म्हणजे सलीम सुलेमान यांच्यासोबत “भूमी” या संगीत प्रोजेक्टमध्ये काम केले आहे या प्रोजेक्टमध्ये भारतातील नव्हे तर जगभरातील दिग्गज व सुप्रसिद्ध गायक संगीतकार आहेत जसे की सोनू निगम, श्रेया घोषाल सुनिधी चौहान, विशाल दादलानी इत्यादी या सोबतच लॉरेन अलर्ड, टेलर जॉन्स असे जगप्रसिद्ध असलेले गायक या प्रोजेक्टमध्ये आहे.
या नवीन गाण्यासाठी म्हणजेच “भूमी” या प्रोजेक्ट मधील “मोरया” या गाण्यांमध्ये “कोंबडी पळाली” व “ऐका दाजीबा” फेम वैशाली सामंत व हिंदी सिनेसृष्टी मध्ये हीप-हॉप संगीतने धूम करणारे करण कंचन व आपला अमरावतीचा सौरभ अभ्यंकर यांनी मिळून गणपतीच्या गाण्याने सुरुवात करत “भूमी” या प्रोजेक्टच्या शुभारंभ केला. सोबतच या गाण्याच्या व्हिडिओमध्ये लाईट डिझायनिंग चे काम अमरावती मधीलच अजय इंगळे व रोहित वगारे यांनी केले आहे हे गाणे सलीम सुलेमान यांच्या “you tube” चैनल वर प्रसिद्ध करण्यात आले आहे. हे गाणे सोशल मिडीयावर ट्रेंडीगवर सुरु आहे.
या गाण्याचे प्रमोशनसाठी कलर्स मराठी या चॅनेलवर सुरू असलेल्या बिग-बॉस मराठी या शोमध्ये सिने अभिनेत्री रितेश देशमुख सूत्रसंचालन करीत असताना त्यांनी सलीम मर्चेंट, करण कंचन व सौरभ अभ्यंकर यांना गाण्याचे सादरीकरण करण्यासाठी आमंत्रित केले होते. सौरभ अभ्यंकर हा आपल्या रॅप संगीताने पूर्ण भारतभर प्रसिद्ध आहे त्यांनी आपल्या रॅपद्वारे सामाजिक मुद्यावर आवाज उचलून लोकांमध्ये जागृती पसरवली आहे व लोकांच्या मनामध्ये आपली वेगळी जागा निर्माण केली. त्याने आपला रॅप हिंदी चित्रपट ‘गली बॉय” यामध्ये सादर करून बॉलीवूडमध्ये एन्ट्री केली त्यानंतर त्याने नागराज मंजुळे यांच्या “झुंड” या चित्रपटात अभिनय करून रॅप सुद्धा सादर केला व त्यानंतर “हसल” या रॅप शो मध्ये अंतिम फेरीपर्यंत जाऊन “ओ.जी. हसलर ट्रॉफी” जिंकली व आपल्या गौरवाने आणि बिच्छू टेकडी झोपडपट्टीचे, अमरावतीचे व महाराष्ट्राचे नाव लौकिक केले.
या त्याच्या नवीन गाण्यासाठी सगळी कडून सौरभचे अभिनंदन व कौतुक होत आहे. सोबतच त्याला पुढील उज्वल भविष्यासाठी परिवाराकडून मित्राकडून व अमरावती मधील नागरिकांकडून शुभेच्छा दिल्या जात आहे.
