आंतरराष्ट्रीय कलावंत, विचारवंत आणि साहित्यिक डाॅ.मधुसूदन घाणेकर यांनी भारतासह 20 देशांमधे , भेटेल त्या,रसिकाचे ग्रॅफाॅलाॅजि, ज्योतिष, शीळवादन, गायन,हास्यविनोद आदि विविध प्रकारे निरपेक्ष..विनामूल्य मनोरंजन करुन दिलासा दिला आहे. आत्तापर्यंत त्यांनी लाखो रसिकांची मने जिंकली आहेत. मनोरंजन करताना त्यांनी सर्वत्र मानवधर्म:श्रेष्ठ धर्माचा प्रसार स्वखर्चाने केला आहे. दैनंदिन जीवनात ते सर्वांशी हसतमुखाने सकारात्मक पध्दतीने सुसंवाद साधून सतत आनंद देत असतात.
डाॅ.मधुसूदन घाणेकर म्हणजे दुस-याला शाश्वत आनंद देणारे या युगातील एकमेव व्यक्तिमत्वच म्हणावै लागेल. असे गौरवोद्गार युगंधरा आंतरराष्ट्रीय मराठी साहित्य कला व सांस्कृतिक प्रतिष्ठान संस्थेच्या संस्थापक, अध्यक्ष सौ.सुनिता कावसनकर यांनी डाॅ.मधुसूदन घाणेकर यांना 2024 चा युगंधरा आंतरराष्ट्रीय जीवनगौरव पुरस्कार ऑनलाईन प्रदान करताना काढले. अध्यक्षस्थानी भारतीय जनता पार्टी-ज्येष्ठ महिला आघाडीच्या कार्याध्यक्ष भारती महाडिक होत्या.
प्रमुख अतिथी वसुधा इंटरनॅशनल संस्थेच्या अध्यक्ष सौ.वसुधा नाईक यांनी डाॅ.मधुसूदन घाणेकर यांच्या विविध क्षेत्रातील गेल्या सहा दशकातील झंजावती वाटचालीवर प्रकाशझोत टाकला. वर्ल्ड क्वीन बीजच्याअध्यक्ष मधुकर्णिका यांनी सूत्रसंचालन केले.प्रास्ताविक आणि आभार तितिक्षा इंटरनॅशनल संस्थेच्या संस्थापक अध्यक्ष प्रिया दामले यांनी केले.
