अकोला- बिर्ला काॅलनी स्थित स्कुल ऑफ स्कॉलर्स या शाळेचा क्रीडा महोत्सव दिनांक 30 नोव्हेंबर 2024 रोजी शास्त्री स्टेडियम येथील मैदानावर शाळेच्या मुख्याध्यापीका डॉ. श्वेता दिक्षित यांच्या मार्गदर्शनात व क्रीडा विभाग प्रमुख स्वप्नील अंभोरे व क्रिडा शिक्षिका वैष्णवी निकोरे तसेच विज्ञान शिक्षक शशिकांत झंझाळ यांच्या नेतृत्वाखाली क्रीडा दिन साजरा करण्यात आला.
मशाल प्रज्वलित करून कार्यक्रमाची सुरुवात करण्यात आली. प्रमुख पाहुणे म्हणून जिल्हा क्रीडा अधिकारी डॉ.सतीशचंद्र दुर्गादत्त भट्ट व मेघे ग्रुप ऑफ स्कुलच्या मुख्य कार्यकारी अधिकारी आभा मेघे हे होते. स्कूल ऑफ स्कॉलर्सच्या कौलखेडच्या मुख्याध्यापिका , मनीषा उंबरकर , प्रशासकीय अधिकारी सुमित बोकाडे उपस्थित होते. पाहुण्यांचे पुष्पगुच्छ व स्मृतिचिन्ह देऊन स्वागत करण्यात आले.मुख्याध्यापकांनी शाळेचा वार्षिक अहवाल सादर करून कार्यक्रमाची सुरुवात केली.
कार्यक्रमात नर्सरी ते दहावी पर्यंतच्या मुला-मुलींसाठी विविध क्रीडा स्पर्धा घेण्यात आल्या व विजेत्यांना पदके देण्यात आली. पालकांसाठी विविध स्पर्धांचेही आयोजन करण्यात आले असून विजेत्या पालकांना पदक देऊन गौरविण्यात आले. कार्यक्रमात विविध क्रीडा साहित्याचा वापर करून नृत्य सादर करण्यात आले. या कार्यक्रमाचे सर्व पालकांनी कौतुक केले. कार्यक्रमाचे सूत्रसंचालन सुचिता खांडेकर, वैशाली अवचार व ज्योती तिवारी तिवारी यांनी केले. कार्यक्रम यशस्वी करण्यासाठी शाळेतील सर्व शिक्षक व शिक्षकेतर कर्मचाऱ्यांचे सहकार्य लाभले. कार्यक्रमाची सांगता वंदे मातरमने करण्यात आली.
Leave a Reply