माणुसकी मल्टीपर्पज फाऊंडेशन मलकापूर जिल्हा बुलढाणा यांच्या वतीने मुंबई कांदिवली पश्चिम येथील जेष्ठ पत्रकार साहित्यिक गीतकार सामाजिक कार्यकर्ता भारत कवितके यांची राष्ट्रभक्ती सेवा गौरव पुरस्कार २०२५ मधून आदर्श साहित्य रत्न पुरस्कार २०२५ करीता निवड झाल्याचे निवड पत्र फाऊंडेशन चे अध्यक्ष विवेक राजापुरे यांनी भारत कवितके यांना दिले आहे.
साहित्यिक भारत कवितके यांच्या कथा, कविता, चारोळ्या, लेख व इतर लिखाण सोशल मीडिया वर आणि वृत्त पत्रातून सातत्याने वाचायला मिळते, साहित्य क्षेत्रातील त्यांच्या उल्लेखनीय कामगिरी बद्दल भारत कवितके यांना हा पुरस्कार देण्यात येणार आहे.त्यांच्या सल या कथेने नुकताच राज्यस्तरीय प्रथम क्रमांक पटकावला आहे.
त्यांच्या कथा कविता चारोळ्या वास्तव वादी जीवनाचा अचूक पणे वेध घेतात.सांज (काव्य संग्रह), माझ्या गावाच्या दिशेने ( काव्य संग्रह) शोधतो मी किनारा ( चारोळी संग्रह),अरे मी एकटा.(चारोळी संग्रह) आणि आयुष्य उसवताना हे आत्मचरित्र अशी पुस्तके साहित्यिक भारत कवितके यांची आतापर्यंत प्रकाशित झाली आहेत, विशेष म्हणजे या सर्व पुस्तकांना विविध ठिकाणी राज्य स्तरीय पुरस्कार मिळाले आहेत.गोवा,मध्य प्रदेश, उत्तर प्रदेश, दिल्ली, गुजरात व, महाराष्ट्र राज्यातील विविध ठिकाणांहून भारत कवितके यांना पत्रकारिता, साहित्य , सामाजिक क्षेत्रात, गीतकार या क्षेत्रात उल्लेखनीय कामगिरी बद्दल आतापर्यंत एकूण ११५४ पुरस्कार मिळाले आहेत.त्यांची सहा गाणी युट्यूबवर प्रचंड गाजत आहेत.साहित्यिक भारत कवितके यांनी आदर्श साहित्य रत्न पुरस्कारासाठी निवड होताच प्रतिक्रिया दिली की,” सन २०२५ या वर्षातील माझा हा पहिलाच पुरस्कार मला पुढील काळात लिखाणासाठी प्रेरणा देत राहील.
या पुरस्काराने मला फार आनंद झाला आहे.पुरस्कार प्रेरणा देतात, प्रोत्साहन देतात.तसेच कामाची जबाबदारी ही वाढवितात,यांची मला पूर्ण जाणीव असल्याने यापुढील लिखाण दर्जेदार सकस समाज उपयोगी होईल असे करीन . हा पुरस्कार जाहीर होताच मला माझ्या नातेवाईकांनी, मित्रांनी प्रत्यक्ष भेटून व मोबाईल वरून अभिनंदन करुन शुभेच्छा दिल्या.त्यांचा मी मनापासून आभारी आहे.”
