Engage Your Visitors!

Kala News News
मगर महाविद्यालयाची ऐश्वर्या पाटील कुलपती ब्रिगेड उत्कृष्ट स्वयंसेविका पुरस्काराने सन्मानित
kalaranjannews 0

प्रतिनिधी – राजेंद्रकुमार शेळके

पुणे जिल्हा शिक्षण मंडळाच्या अण्णासाहेब मगर महाविद्यालयातील राष्ट्रीय सेवा योजना स्वयंसेविका कु. ऐश्वर्या पाटील या विद्यार्थिनीस संत गाडगेबाबा अमरावती विद्यापीठ अमरावती येथे दि. ६ ते १६ नोव्हेंबर २०२४ या कालावधीत झालेल्या आव्हान – २०२४ या राज्यस्तरीय आपत्कालीन व्यवस्थापन प्रशिक्षण शिबीरामध्ये आव्हान – २०२४ कुलपती ब्रिगेड उत्कृष्ट स्वयंसेविका हा पुरस्कार प्राप्त झाला आहे. या शिबिराच्या समारोप प्रसंगी संत गाडगेबाबा अमरावती विद्यापीठाचे कुलगुरु डॉ. मिलिंद बारहाते, जिल्हााधिकारी सौरभ कटियार, जिल्हा परिषद मुख्य कार्यकारी अधिकारी संजिता मोहपात्रा, प्र-कुलगुरु डॉ. महेंद्र ढोरे, व्यवस्थापन परिषद सदस्य डॉ. प्रवीण रघुवंशी, डॉ. आर. डी. सिकची, डॉ. अविनाश बोर्डे, डॉ. विद्या शर्मा या मान्यवरांच्या हस्ते तिचा सन्मान करण्यात आला. या शिबिरात राज्यातील २३ विद्यापीठातील एकूण १०४८ राष्ट्रीय सेवा योजनेचे स्वयंसेवक सहभागी झाले होते.

या यशाबद्दल पुणे जिल्हा शिक्षण मंडळाचे उपाध्यक्ष श्री. राजेंद्र घाडगे, मानद सचिव ॲड संदिप कदम, खजिनदार ॲड. मोहनराव देशमुख, उपसचिव मा.एल.एम. पवार , सहाय्यक सहसचिव मा. ए. एम. जाधव, महाविद्यालयाचे प्राचार्य व सावित्रीबाई फुले पुणे विद्यापीठाचे व्यवस्थापन परिषद सदस्य डॉ. नितीन घोरपडे, उपप्राचार्य डॉ. शुभांगी औटी, डॉ. प्रशांत मुळे, प्रा. अनिल जगताप, यांनी ऐश्वर्या पाटील हिचे अभिनंदन केले. सावित्रीबाई फुले पुणे विद्यापीठाचे राष्ट्रीय सेवा योजना संचालक डॉ सदानंद भोसले यांनी कु. ऐश्वर्या पाटील हीचे कौतुक केले.

कविता गीत
आमचे मुंबई प्रतिनिधी गीतकार भारत कवितके यांच्या लेखणीतून साकारलेले ” आठव आठव राणी…” प्रेम गीत युट्यूबवर रसिकांच्या भेटीला
kalaranjannews 0

आमचे मुंबई प्रतिनिधी गीतकार भारत कवितके यांच्या दमदार,सकस लेखणीतून साकारलेले” आठव आठव राणी..” हे प्रेम गीत युट्यूबवर रसिकांच्या भेटीला नुकतेच प्रसारित झाले आहे.अगदी थोड्या अवधीत या प्रेम गीताने रसिकांना मंत्रमुग्ध केले आहे.तरुणाच्या गळ्यातील ताईत बनलेले हे गीत वृध्दांना ही आपल्या तरुण वयातील आठवणी जाग्या करून जातात.

आठवणी ताज्या टवटवीत होतात.पीपी म्युझिक प्रेझेंट कंपनी व्दारा निर्माते श्रीराम घडे, गीतकार आमचे मुंबई प्रतिनिधी भारत कवितके, गायक विकास साळवे, संगीत चंदन कांबळे, आणि विशेष सहाय्य गौतम पुंडे,व प्रमोद सूर्यवंशी या सर्वांच्या परिश्रमाने हे गीत प्रेक्षणीय, श्रवणीय झाले आहे.छायाचित्रण, संगीत, शब्द,ताल,सूर, सादरीकरण सर्व बाजूंनी या गाण्याने रसिक मनाला भुरळ घातली आहे.भारत कवितके यांनी आपल्या वयाच्या ६५ व्या वर्षी हे प्रेम गीत लिहून आपल्या लेखणीचा चमत्कार दाखविला आहे.

भेटीचे बहाणे,नकारात होकार देणे, मंदिरात एकटीने जाणे,अंगास बिलगणे, लटक्या रागाने दूर जाणे, सुखासाठी नवस करणे, हुंकार प्रश्नांचे, पावसात चिंब चिंब भिजणे, वगैरे वगैरे शब्द प्रयोगामुळे तरुणां बरोबर वृद्धांच्या काळजाची धडधड वाढते.पावसात तरुणीचे बेधुंद, बेहोश होऊन नाचणे, तरुणीचे रोज नवे नवे बहाणे, गृहिणी चा साज शृंगार, या सर्व गोष्टी रसिकांना भुरळ पाडतात, एकंदरीत गीतकार भारत कवितके यांचे ” आठव आठव राणी..” हे प्रेम गीत रसिकांच्या पसंतीला उतरले असल्याचे रसिकांनी आपल्या प्रतिक्रिया मधून दिल्या आहेत.

 

Kala News News
मुक्ताई सुतार माध्यमिक विद्यालयात आपत्ती व्यवस्थापनाचे धडे
kalaranjannews 0

मुक्ताई सुतार माध्यमिक विद्यालयातील इयत्ता नववीच्या विद्यार्थ्यांसाठी भरेकर एच पी गॅस एजन्सीद्वारे विद्यालयातील विद्यार्थ्यांना आपत्ती व्यवस्थापनाचे मार्गदर्शन सत्राचे आयोजन करण्यात आले. एजन्सीच्या सदस्या सौ.हेमा ढोकळे यांनी आपत्ती म्हणजे काय? घरामध्ये गॅस, सिलेंडर आल्यावर एक जबाबदार नागरिक म्हणून सिलेंडरचे वजन, एक्सपायरी डेट, लिकेज कसे तपासून पहावे हे प्रात्यक्षिकाद्वारे समजावून सांगितले.यावेळी विद्यालयातील मुख्या.मीना आंधळे,वरिष्ठ शिक्षक डॉ. श्री शांताराम डफळ उपस्थित होते.कार्यक्रमाचे आयोजन व नियोजन सौ. शितल जगताप यांनी केले.

कला
कर्नाटकात साहित्यिक वि. ग.सातपुते यांचा सत्कार
kalaranjannews 0

अ.भा.म.सा. कर्नाटक राज्य साहित्य परिषद व महाराष्ट्र मंडळ, बेंगलोर यांनी आयोजित केलेल्या साहित्यिकांच्या सत्कार समारंभात महाराष्ट्रातील पुणे येथील सुप्रसिद्ध ज्येष्ठ साहित्यिक भावकवी (विगसा) वि. ग. सातपुते सरांचा मानाचा साहित्यिक गौरव पुरस्कार देऊन बेंगलोर येथील महाराष्ट्र् मंडळात सत्कार करण्यात आला. दीपप्रज्वलनानंतर अभा मराठी साहित्य परिषद मुंबईचे उपाध्यक्ष मा. गुरय्यास्वामी यांनी या अलौकिक समारंभाचे प्रास्ताविक केले.

माननीय वि.ग.सातपुते विगसा (आप्पा) सातपुते सर साहित्य क्षेत्रातील विद्यमान ज्येष्ठ साहित्यिक , भावकवी आणि संत साहित्याचे गाढे अभ्यासक आहेत..*महाकवी कालिदास प्रतिष्ठान पुणे , मुंबई , ठाणे ,मराठवाडा या संस्थेचे संस्थापक अध्यक्ष आहेत.

त्यांची आजपर्यंत 40 पुस्तके प्रकाशित आहेत. नुकतीच त्यांच्या संस्कार शिदोरी 600 पानांच्या पुस्तकाची तिसरी आवृत्ती प्रकाशित झाली. त्यांचे अध्यात्मिक लेखन, अध्यात्मिक क्षेत्रामध्ये त्यांना आलेल्या अनेक अनुभूतींच्या आधारावर त्यांचे लेखन प्रसिद्ध झाले आहे. त्यांनी फक्त बोलत रहावे आणि आपण फक्त ऐकतच राहावे असे मनापासून वाटते. 

आप्पांच्या तरल व भावनाप्रधान, अशा वेगळ्या धाटणीच्या असलेल्या भावकविता लोकांना खूप भावतात. त्यामुळेच त्यांना भावकवी ही पदवी किंवा ही उपाधी मिळालेली आहे. अशा थोर व्यक्तींचा सत्कार होणं, ही खूप भाग्याची गोष्ट आहे..आणि विगसातपुते ( आप्पा ) यांचे महाराष्ट्रात आणि महाराष्ट्राबाहेर इतर प्रांतातील मराठी संस्थांनी देखील सत्कार केले आहेत ही खुप आनंदाची गोष्ट आहे.

नदिष्ट अनेक पुरस्कार मिळालेल्या या पुस्तकाचे लेखक प्रा. मनोज बोरगावकर (नांदेड ) यांची प्रगट मुलाखत डॉक्टर अनुराग लव्हेकर यांनी मार्मिक संवादाद्वारे घेतली गेली. मुलाखतीमधून अगदी मोकळेपणाने व्यक्त होताना पोहता पोहता नदी माझ्यात शिरली म्हणजे त्याचवेळी मी तिच्या प्रेमात पडलो असं सांगितलं.. नदीशी संवाद करत असताना रात्रीच्या वेळी ती झोपते, तिचा गर्भाशय खूप विस्तारीत आहे ही उपमा देताना त्यामध्ये असणारे अनेक गर्भित अर्थ आम्हाला खूप जाणवले त्यावर एक वेगळ्या प्रकारचे लेखनही होऊ शकतं असंही वाटलं. राजबिंडा सारखा चालणारा मोर ही आवडला.. त्यांनी योग्य दाखले देत.. पुस्तकातील अनेक बाबींवर भाष्य केले.

या कार्यक्रमात बेंगलोर , गुलबर्गा बेळगाव येथील कवी साहित्यिक डॉ. संध्या अन्वेकर, डॉ. अनुराग लव्हेकर , संत साहित्याचे अभ्यासक डॉ. राजेंद्र पडतुरे , सौ. प्रतिभा टेकाडे आणि कर्नाटक मराठी साहित्य परिषदेच्या सौ. दीपाली वझे , सुरेखा कुलकर्णी , महाराष्ट्र मंडळाचे अध्यक्ष ओंकार संगोराम , दीपक कुलकर्णी , राकेश शेटे , तुषार भट डॉ. महेश वझे , प्रा व्यंकटेश देवनपल्ली , अनिरुद्ध शास्त्री , पुण्याहून ज्येष्ठ गझलकार मकरंद घाणेकर आणि कवयित्री सौ. वंदना घाणेकर आदी मान्यवर उपस्थित होते.

सौ. गायत्री बेहरे यांनी गणेशस्तवन सादर केले , सौ. स्नेहा घाटे यांनी सूत्र संचालन केले तर या समारंभात झालेल्या काव्यमैफिलीचे नेतृत्व सौ. प्रतिभा टेकाडे यांनी केले. आणि समारोप आणि आभारप्रदर्शन सौ. दीपाली वझे यांनी केल्यानंतर समारंभाची सांगता झाली.

 वृत्तांकन:- सौ. वंदना घाणेकर

कविता काव्य
कविता:-“निवडणूक आणि मतदान”
kalaranjannews 0

विकास न परिवर्तनाचा माजला गदारोळ ।

सर्वांगीण भरभराट नुसताच शब्द कल्लोळ ।।

दशकानूदशके केला गरीब जनतेचा बट्याबोळ ।

तरीही आम्हीच कसे श्रेष्ठ सांगणार सरळ ।।

उन्नतीसाठी झाले सुसज्ज घेऊन हाती ढाल ।

भले भले गळाठले परजता तयांवर तलवार ।।

वरवरची आश्वासने नेहमीच पोकळ ।

त्यावरच तर नामर्दांचा काळ सोकावेल ।।

सत्तेसाठी नात्यात अराजकता माजेल ।

तरीही निश्चयाचा महामेरू उभा निश्चल ।।

हिच आहे आणीबाणीची जाणूया वेळ ।

ठाम उभे राहून घालू परिस्थितीचा मेळ ।।

दलबदलू लोकांनी घातला आहे घोळ ।

पुर्व संचिताच्या पुण्याइचे असावे पाठबळ ।।

नाही हातभार, तर नको अविश्वास, इच्छा प्रबळ।

जमेल तितके ,जमेल तशी, देऊ मदत सबळ ।।

सत्यतेच्या कसोटीवर सुराज्य मनी इच्छा सकल।

मतदारराजा स्थापू रामराज्य ,प्रगतीपथा चल ।।

 

(स्वरचित)

©® नीला चित्रे

चिंचवड पुणे 

 

Kala News News
कवी, साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” प्रदान
kalaranjannews 0

लातूरच्या शिरपेचात मानाचा तुरा सलग तीन वेळा काव्यांगण साहित्य मंच तथा बहुउद्धेशीय सेवाभावी संस्था शाखा शिरूर अनंतपाळ लातूर येथे पुणे येथील कवी साहित्यिक, निवेदक अॅड.उमाकांत आदमाने, नोटरी भारत सरकार यांनी सलग तिसऱ्यांदा राज्यस्तरीय पुरस्काराचे मानकरी ठरले त्यांनी साहित्यिक पुरस्काराची हैट्रीक मिळवून साहित्यिक मेजवानीचा स्वाद घेतला.

राष्ट्रीय शिक्षक दिना निमित्त आयोजित श्री अनंतपाळ लातूर राज्यस्तरीय तिसरे ग्रामीण मराठी कवी संमेलन शिरूर अनंतपाळ, लातूर येथे येथे दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” २०२४ यांना संमेलनाध्यक्ष मा. अॅड.विजयकुमार कस्तुरे, आयोजक श्री. गोविंद श्रीमंगल, सौ. सरोजा गायकवाड, यांच्या हस्ते आकर्षक सन्मानचिन्ह व सन्मानपत्र देऊन सन्मानित करण्यात आले.

प्रसंगी डॉ. डी.व्ही. खरात, डॉ. बबनराव महामुने, श्री. मधुकर हुजरे, श्री. अशोक मोहिते, श्री. माणिकराव गोडसे, ह.भ.प. सौ.चिवरकर, सौ. राणी धनवे, पोलीस निरीक्षक राणी चोपडे, सौ. ज्योती देशमुख, सौ. वैशाली लांजेवार, समिंदर शिंदे, अलका सपकाळ, इत्यादी सर्व कवी व कवयित्री उपस्थित होते.

या अगोदर अॅड.उमाकांत आदमाने, नोटरी भारत सरकार यांना संस्थेने पहिले ग्रामीण मराठी साहित्य संमेलनाच्या वतीने राज्यस्तरीय डॉ. बाबासाहेब आंबेडकर समाजरत्न पुरस्कार २०२२ रोजी दिला होता, दुसरे ग्रामीण मराठी साहित्य संमेलनात विधी क्षेत्रात उल्लेखनीय कार्याबद्दल राज्यस्तरीय उत्कृष्ट वकील पुरस्कार २०२३ चा पुरस्कार दिला होता.

त्यानंतर यंदाचा त्यांची साहित्यिक, सामाजिक व शैक्षणिक कार्याची दखल घेता दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने, नोटरी, भारत सरकार यांना “राज्यस्तरीय उत्कृष्ट निवेदक पुरस्कार” २०२४ यांना आकर्षक सन्मानचिन्ह व सन्मानपत्र देऊन सन्मानित करण्यात आले, तसेच कवितेच्या बागेत बालकविता संग्रहाचे प्रकाशन संमेलनाध्यक्ष मा. अॅड.विजयकुमार कस्तुरे, आयोजक श्री. गोविंद श्रीमंगल, सौ. सरोजा गायकवाड व सर्व निमंत्रित कवी कवयित्रीच्या उपस्थितीत संपन्न झाला, कवितेच्या बागेत या बालकविता संग्रहात कवी, लेखक अॅड.उमाकांत आदमाने, पुणे यांच्या अनुक्रमे दोन कविता प्रसारीत झाल्या एक मनी माऊ, दुसरी कविता चिमणी या विषयावर प्रसारित झाली आहे त्याबद्दल संपादक श्री. गोविंद श्रीमंगल, व सहसंपादक कवयित्री पुजा माळी यांना धन्यवाद देतो.

Kala News News
डाॅ.मधुसूदन घाणेकर यांच्या बोलक्या बाहुल्याने चिमुकल्यांशी मारल्या गप्पा
kalaranjannews 0

खास बालांसाठी नुकताच,डाॅ.मधुसूदन घाणेकर यांचा विश्वविक्रमी बे दुणे चकली हा एकपात्री धमाल विनोदी कार्यक्रम आयोजित केला होता.अध्यक्ष.स्थानी संस्थापक अध्यक्ष अभिनेत्री प्रिया दामले होत्या.सदर कार्यक्रम अण्णाभाऊ साठेनगर, अरण्येश्वर – संतनगर येथे झाला.कार्यक्रमाचे संयोजन बाल सचिव अजया मुळीक हीने केले.युवा कार्यकर्ते महेश पवार यांनी प्रास्ताविक केले.

नीलेश पवार याने आभार मानले.अजयाने बालांना चाॅकलेटस दिली.याप्रसंगी कवी विजय सातपुते, माधवी कुंटे, वर्ल्ड क्वीन बीज संस्थेच्या अध्यक्ष मधुकर्णिका सारिका सासवडे आदि मान्यवर उपस्थित होते.

     या कार्यक्रमाचे खास आकर्षण म्हणजे डाॅ.मधुसूदन घाणेकर स्वतःचा छान मिश्किल बाहुला झाले आणि स्वतःच बाहुल्याला काही प्रश्न विचारले आणि बाहुल्याने लहान खोडकर मुलासारखी मजेशीर उत्तरं दिली.

डाॅ.मधुसूदन घाणेकर यांच्या या डबल.रोल साठी बाल चमुंनी भरभरुन मनमुराद हसून दाद दिली. विनोदी पाढे , गाणारा मुलगा , थापा मारणारे मित्र, विमानातली फेरी, मनाचे श्लोक म्हणणारे कलाकार , अर्जूना बाण मार वाक्य म्हणणारी खेड्यातील कलाकार मंडळी, बोलके प्राणी,बोलके पक्षी ..अशा विविधतेने नटलेल्या डाॅ.मधुसूदन घाणेकर यांचा हा चकलीचा कार्यक्रम म्हणजे बाल नमुंना दिवाळीचा खास मनोरंजनाचा खुसखुशीत फराळच होता. डाॅ.मधुसूदन घाणेकर यांचा ‘ बे दुणे चकली’ ह्या एकपात्री. कार्यक्रमाचा झंजावती 22,999 वा प्रयोग होता.

Kala News News
संगीत, शायरी आणि संवाद यांची एक उत्स्फूर्त मैफिल
kalaranjannews 0

प्राधिकरण -येथे ग दि माडगूळकर नाट्यगृह सुरू झाल्यानंतर काव्य, नाट्य, नृत्य, एकांकिका सतत सुरू झाल्याने पिंपरी चिंचवड महानगरपालिकेच्या नागरिकांची सांस्कृतिक भूक भागली. तरुणाईला व्यासपीठ उपलब्ध झाले.

ग. दि. माडगूळकर सभागृह निगडी येथे नुकत्याच झालेल्या माहौल ह्या कार्यक्रमात संगीत, शायरी, संवाद यांची उत्स्फूर्त मैफिल दिनांक १३ नोव्हेंबर ला संपन्न झाली.अभिनेता तेजस बर्वे तसेच अभिनेते डॉ. संजीवकुमार हे देखील यावेळी उपस्थित होते.

” माहौल” संगीत शायरी आणि संवाद यांची एक उत्स्फूर्त मैफिल ही संकल्पना चिंचवड चे तरूण कलाकार सौरभ चव्हाण यांची असून गायक पलाश बोरकर, सौरभ चव्हाण यांना गिटार आणि वोकल्स ची साथ गणेश शीलवंत तर तबला आणि क्लॅपबॉक्स प्रसाद गुरव यांनी दिली. संकल्पनेतील संवाद केतकी चव्हाण यांनी खुलविले.

“सय्योनी”, “छोड आयें हम वों गलियाँ”, “लागा चुनरी मे दांग”, “मेरे रश्के कमर”, “मेरे मेहेबूब कयामत होगी”, “जो तुम मेरे हो” आदि गीतांना रसिकांची पसंती मिळाली. पिंपरी, चिंचवड, प्राधिकरण, निगडी मधील संगीत रसिकांची उपस्थिती लक्षणीय होती.

 

 

कला काव्य साहित्यिक
आठव्या अखिल भारतीय मराठी नक्षत्र महाकाव्य संमेलनाच्या आयोजनाची घोषणा रायगडावर 
kalaranjannews 0

नक्षत्राचं देणं काव्यमंच ,मुख्यालय ,पुणे ३९ च्या वतीने कवींसाठी वेगळे उपक्रम राबवले जातात .यावेळी रायगड किल्ला नक्षत्र काव्य सहल आयोजित करण्यात आली होती. तसेच संस्थेच्या रौप्य महोत्सवी वर्षानिमित्त आठवे अखिल भारतीय मराठी नक्षत्र महाकाव्यसंमेलनाचे आयोजन दि.१७ व दि.१८ मे २०२५रोजी पिंपरी चिंचवड कवितेच्या राजधानी मध्ये आयोजन करण्याची रायगडावर घोषणा करण्यात आली. तसेच या महाकाव्यसंमेलन महाकाव्यसंमेलन अध्यक्ष म्हणून बोल्ड कवी म.भा.चव्हाण,पुणे यांची सुद्धा निवड यावेळी करण्यात आली . त्यांच्या निवडीचे पत्र त्यांना याप्रसंगी देण्यात आले.

तसेच “भारतरत्न रमाई” महाकाव्यग्रंथाचे सुद्धा प्रकाशन करण्यात आले. तसेच कवी नवनाथ पोपळे यांच्या “बापाची सावली” या काव्यसंग्रहाचे प्रकाशित करण्यात आले. साईराजे पब्लिकेशन ,पुणे यांच्यावतीने एका वर्षात ३६५ पुस्तके प्रकाशनचा संकल्प रायगडाच्या साक्षीने करण्यात आला.

याप्रसंगी कवी म. भा. चव्हाण म्हणाले की,”पंचवीस वर्ष काव्य क्षेत्रात सातत्यपूर्ण काम करणारी महाराष्ट्रातील एकमेव अशी नक्षत्राचं देणं काव्यमंच संस्था आहे. विविध कवितेचे प्रयोग करणारी एक क्रियाशील संस्था आहे. या संस्थेने माझी ८ व्या अखिल भारतीय मराठी नक्षत्र महाकाव्यसंमेलन अध्यक्षपदी निवड केल्याबद्दल मी त्यांचे मनापासून आभार मानत आहे. रायगडाच्या साक्षीने सर्वांच्या लेखणीला आणि जीवनाला एक ऊर्जा मिळाली आहे. महाराष्ट्राचं दैवत असलेले श्री छत्रपती शिवाजी महाराज यांच्या कार्याचा गौरव करणारा सोहळा व माय मराठीचा गौरव होणारा हा सोहळा आज रायगडावर संपन्न झाला. भविष्यामध्ये महाराष्ट्राची अस्मिता व माय मराठी सेवा आपल्या सर्वांच्या हातातून घडू हीच या निमित्ताने अपेक्षा व्यक्त करतो.”

ये, शेर शिवा, समशेर शिवा

शिवनेर शिवा,रणभेर शिवा

औफेर शिवा, चौफेर शिवा

साक्ष भीमेचे पाणी देईल,

महाराष्ट्र माझा

सह्याद्रीचा पुत्र शिवाजी

रयतेचा राजा

यावेळी नरवीर तानाजी मालुसरे यांच्या वंशज प्रा. डॉ. शितल मालुसरे यांनी या ठिकाणी या काव्य सहली सहभाग घेऊन आपल्या धारदारचनांनी रसिकांना मंत्रमुग्ध केले. शूरवीर तानाजी मालुसरे आणि छत्रपती शिवराय यांच्या अनेक प्रसंगाला त्यांनी उजाळा दिला. अशा उपक्रमाने संस्थेच्या माध्यमातून समाज प्रबोधनाची व जीवनातील विविध बदलांची भूमिका आपल्याला लक्षात येते.

पूर्वजांचा आशीर्वादाला,

जे कार्यकर्तृत्वाची जोड

शोभला पाहिजेस वंशज

हाच एक संकल्प रोड

रायगडावर नक्षत्र काव्य मैफल.. छत्रपती शिवरायांना मानाचा मुजरा करून ,आपल्या विविध काव्यरचना बहारदार सादर केल्या.रायगडावर काव्य जागर करून नक्षत्राचं देणं कायमंचच्या वतीने अभिनव असा उपक्रम घेण्यात आला होता.यावेळी बोर्ड कवी म. भा.चव्हाण पुणे, कवी वादळकार भोसरी,नरवीर तानाजी मालुसरे यांच्या वंशज प्रा. शितल मालुसरे, हभप. डॉ. रवींद्र सोमवंशी आणि नवनाथ पोकळे दिलीप विधाटे , ज्ञानेश्वर वायकर, सौ प्रीती सोनवणे, सौ रुपाली भालेराव, साजिद मोमीन,बबन चव्हाण, अशोक सोनवणे, काळूराम शिंदे, नेहा भालेराव, संगीता सोनवणे, प्रसाद भागवत, रवी माळी, जुली यादव तसेच शिवप्रेमी इ.नी यात सहभागी घेतला.

राजमाता जिजाऊ यांच्या समाधी स्थळाचे दर्शन घेऊन सर्व नक्षत्र रायगडाकडे रवाना झाली. महाराजांना मुजरा करीत काव्यसंग्रह प्रकाशन सोहळा तसेच काव्याचा जागर करण्यात आला.मराठी भाषेला अभिजात दर्जा मिळाला आहे.याचे अभिवादन करण्यासाठी रायगडावर नक्षत्र गेली होती.माय मराठीचा जागर करण्याचा प्रयत्न केला.रायगडाचे दर्शन म्हणजे मराठीची अस्मिता जागृत होय.

तसेच महाराजांच्या मूर्तीला पुष्पहार अर्पण करून, महाराजांच्या समाधीचे दर्शन घेण्यात आले. रायगडाच्या विविध वास्तूंचे मार्गदर्शन तेथील स्थानिक गाईडने केले. रायगडाची भव्यता आणि रायगडावरचे ऊर्जा मनात साठवत सर्व नक्षत्र परतीच्या प्रवासाला निघाली. सर्व कवींची “रायगड किल्ला बहारदार काव्य मैफल “आपल्या रचनातून संपन्न केली.अशी माहिती संस्थापक राष्ट्रीय अध्यक्ष प्रा. राजेंद्र सोनवणे यांनी दिली.

कला कविता काव्य पुरस्कार साहित्यिक
कवी, साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” जाहीर
kalaranjannews 0

लातूरच्या शिरपेचात मानाचा तुरा सलग तीन वेळा काव्यांगण साहित्य मंच तथा बहुउद्धेशीय सेवाभावी संस्था शाखा शिरूर अनंतपाळ लातूर येथे पुणे येथील कवी साहित्यिक, निवेदक अॅड.उमाकांत आदमाने, नोटरी भारत सरकार यांनी सलग तिसऱ्यांदा राज्यस्तरीय पुरस्काराचे मानकरी ठरले त्यांनी साहित्यिक हैट्रीक मिळवून साहित्यिक मेजवानीचा स्वाद घेतला, राष्ट्रीय शिक्षक दिना निमित्त आयोजित श्री अनंतपाळ लातूर राज्यस्तरीय तिसरे ग्रामीण मराठी कवी संमेलन शिरूर अनंतपाळ, लातूर येथे येथे दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” २०२४ यांना देऊन सन्मानित करण्यात येणार आहे.

या अगोदर अॅड.उमाकांत आदमाने, नोटरी भारत सरकार यांना संस्थेने पहिले ग्रामीण मराठी साहित्य संमेलनाच्या वतीने राज्यस्तरीय डॉ. बाबासाहेब आंबेडकर समाजरत्न पुरस्कार २०२२ रोजी दिला होता, दुसरे ग्रामीण मराठी साहित्य संमेलनात विधी क्षेत्रात उल्लेखनीय कार्याबद्दल राज्यस्तरीय उत्कृष्ट वकील पुरस्कार २०२३ चा पुरस्कार दिला होता, त्यानंतर यंदाचा त्यांची साहित्यिक, सामाजिक व शैक्षणिक कार्याची दखल घेता दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने, नोटरी, भारत सरकार यांना “राज्यस्तरीय उत्कृष्ट निवेदक पुरस्कार” २०२४ यांना देऊन सन्मानित करण्यात येणार आहे असे श्री अनंतपाळ ग्रामीण मराठी कवी संमेलनाचे आयोजक श्री. गोविंद श्रीमंगल यांनी जाहीर केले.

अॅड.उमाकांत मधुकर आदमाने, नोटरी, भारत सरकार सध्या शिवाजीनगर, जिल्हा सत्र न्यायालयात पुणे येथे वकिली व्यवसाया बरोबरच नोटरीचे काम करतात त्यांची आणखी एक नवी ओळख म्हणजे सुंदर कवी, लेखक, साहित्यीक आणि उत्तम निवेदक आहेत. त्यांनी आगामी काळात खुप सुंदर विषयावर कविता सादर करून कवी रसिकांची मने जिंकली, अॅड.उमाकांत आदमाने, नोटरी, भारत सरकार वकिली व्यवसाया बरोबरच नोटरी व्यवसाय देखील प्रामाणिक पणे करतात. पुणे येथील कवी, साहित्यिक, निवेदक मा. अॅड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्रमुग्ध केलेले आहे, आता देखील श्री अनंतपाळ, लातूर येथील होणा-या तिसऱ्या राज्यस्तरीय ग्रामीण मराठी कवी संमेलनात त्यांचा उत्स्फूर्त सहभाग असणार आहे.