Engage Your Visitors!

कला कविता काव्य साहित्यिक
कवी निघाले रायगडला, रायगडावर रंगणार नक्षत्र काव्य मैफल
kalaranjannews 0

नक्षत्राचं देणं काव्यमंच ,मुख्यालय ,पुणे ३९ च्या वतीने कवींसाठी वेगळे उपक्रम राबवले जातात.अनेक विविध प्रकारच्या काव्य सहलींचे आयोजन केले जाते. नुकतीच नक्षत्रांची पाऊस काव्य सहल नाणेघाट व फोफसंडी येथे संपन्न झाली.यावेळी रायगड किल्ला सहल आयोजित करण्यात आली आहे.

रायगडावर नक्षत्र काव्य मैफल. छत्रपती शिवरायांना मानाचा मुजरा करण्यासाठी नक्षत्राचं देणं कायमंचच्या वतीने अभिनव असा उपक्रम घेण्यात आला आहे.यावेळी बोर्ड कवी म. भा.चव्हाण पुणे, कवी वादळकार भोसरी,नरवीर तानाजी मालुसरे यांच्या वंशज प्रा .शितल मालुसरे, हभप. डॉ. रवींद्र सोमवंशी आणि कवी कवयित्री तसेच शिवप्रेमी यात सहभागी होत आहेत.

राजमाता जिजाऊ यांच्या समाधी स्थळाचे दर्शन घेऊन रायगडाकडे कवी रवाना होणार आहे. रविवारी दि.१०नोव्हेंबर २०२४ रोजी महाराजांना मुजरा करीत काव्यसंग्रह प्रकाशन होणार आहे.तसेच काव्याचा जागर होणार आहे.

मराठी भाषेला अभिजात दर्जा मिळाला आहे.याचे अभिवादन करण्यासाठी करण्यासाठी रायगडावर जाणार आहे.माय मराठीचा जागर करण्याचा प्रयत्न केला जाणार आहे.

रायगडाचे दर्शन म्हणजे मराठीची अस्मिता होय.तसेच महाराजांच्या मूर्तीला पुष्पहार अर्पण करून महाराजांच्या काव्यविषयाच्या असलेल्या प्रेमाची अनुभूती घेण्यासाठी सर्व कवींची “रायगड किल्ला बहारदार काव्य मैफल “संपन्न होणार आहे.

अशी माहिती संस्थापक राष्ट्रीय अध्यक्ष प्रा. राजेंद्र सोनवणे यांनी एका पत्रकाद्वारे कळविले आहे.

कला कविता काव्य पुरस्कार साहित्यिक
कवी, साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” जाहीर
kalaranjannews 0

लातूरच्या शिरपेचात मानाचा तुरा सलग तीन वेळा काव्यांगण साहित्य मंच तथा बहुउद्धेशीय सेवाभावी संस्था शाखा शिरूर अनंतपाळ लातूर येथे पुणे येथील कवी साहित्यिक, निवेदक अॅड.उमाकांत आदमाने, नोटरी भारत सरकार यांनी सलग तिसऱ्यांदा राज्यस्तरीय पुरस्काराचे मानकरी ठरले त्यांनी साहित्यिक हैट्रीक मिळवून साहित्यिक मेजवानीचा स्वाद घेतला, राष्ट्रीय शिक्षक दिना निमित्त आयोजित श्री अनंतपाळ लातूर राज्यस्तरीय तिसरे ग्रामीण मराठी कवी संमेलन शिरूर अनंतपाळ, लातूर येथे येथे दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने यांना “राज्यस्तरीय उत्कृष्ट निवेदक पुरस्कार” २०२४ यांना देऊन सन्मानित करण्यात येणार आहे.

या अगोदर अॅड.उमाकांत आदमाने, नोटरी भारत सरकार यांना संस्थेने पहिले ग्रामीण मराठी साहित्य संमेलनाच्या वतीने राज्यस्तरीय डॉ. बाबासाहेब आंबेडकर समाजरत्न पुरस्कार २०२२ रोजी दिला होता, दुसरे ग्रामीण मराठी साहित्य संमेलनात विधी क्षेत्रात उल्लेखनीय कार्याबद्दल राज्यस्तरीय उत्कृष्ट वकील पुरस्कार २०२३ चा पुरस्कार दिला होता, त्यानंतर यंदाचा त्यांची साहित्यिक, सामाजिक व शैक्षणिक कार्याची दखल घेता दि. १० नोव्हेंबर २०२४ रोजी पुणे येथील कवी साहित्यिक, निवेदक अॅड.उमाकांत आदमाने, नोटरी, भारत सरकार यांना “राज्यस्तरीय उत्कृष्ट निवेदक पुरस्कार” २०२४ यांना देऊन सन्मानित करण्यात येणार आहे असे श्री अनंतपाळ ग्रामीण मराठी कवी संमेलनाचे आयोजक श्री. गोविंद श्रीमंगल यांनी जाहीर केले.

अॅड.उमाकांत मधुकर आदमाने, नोटरी, भारत सरकार सध्या शिवाजीनगर, जिल्हा सत्र न्यायालयात पुणे येथे वकिली व्यवसाया बरोबरच नोटरीचे काम करतात त्यांची आणखी एक नवी ओळख म्हणजे सुंदर कवी, लेखक, साहित्यीक आणि उत्तम निवेदक आहेत. त्यांनी आगामी काळात खुप सुंदर विषयावर कविता सादर करून कवी रसिकांची मने जिंकली, अॅड.उमाकांत आदमाने, नोटरी, भारत सरकार वकिली व्यवसाया बरोबरच नोटरी व्यवसाय देखील प्रामाणिक पणे करतात. पुणे येथील कवी, साहित्यिक, निवेदक मा. अॅड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्रमुग्ध केलेले आहे, आता देखील श्री अनंतपाळ, लातूर येथील होणा-या तिसऱ्या राज्यस्तरीय ग्रामीण मराठी कवी संमेलनात त्यांचा उत्स्फूर्त सहभाग असणार आहे.

Kala News News धार्मिक सामाजिक
कांदिवली पश्चिम येथे उत्तर भारतीय महिलांद्वारा ” छटपूजा” मोठ्या उत्साहात पार पडली
kalaranjannews 0

भारत कवितके मुंबई, कांदिवली पश्चिम

कांदिवली पश्चिम येथील बजरंग सोसायटी जवळ, महावीर शाळे शेजारी असलेल्या मैदानात श्री.बजरंग एस,आर,ए, सोसायटी, श्री.साईकृपा एस.आर.ए.सोसायटी, आणि जनता कल्याण कारी एस.आर.ए.सोसायटी यांच्या संयुक्त विद्यमाने या विभागातील उत्तर भारतीय महिला भगिनी करिता छटपूजा चे आयोजन करण्यात आले होते.गुरुवार दिनांक ७ नोव्हेंबर २०२४ रोजी सायंकाळी सूर्यास्ता वेळी पाण्यात उभे राहून महिला भगिनींनी मोठ्या उत्साहात छटपूजा केली.

या ठिकाणी पाण्याचा मोठा कृत्रिम तलाव बनविण्यात आला होता.मुलांच्या कल्याणासाठी, प्रगती साठी,व ज्यांना संतान नाही ते यावेळी नवस बोलतात,व काही महिला भगिनीं नवस पूर्ण करण्यासाठी छटपूजा करतात.आणि दुसऱ्या दिवशी सकाळी सूर्योदयाच्या नंतर जल अर्ज करुन छटपूजा पूर्ण करतात,व उपवास सोडतात.कृत्रिम तलावाच्या भोवती जागोजागी ऊस उभा करून पणत्या लावून महिला भगिनीं पाण्यात उभ्या राहून छटपूजा करत होत्या.धार्मिक गाणी गायली जात होती,या प्रसंगी या ठिकाणी कायदा व सुव्यवस्था राखण्यासाठी कांदिवली पोलिस ठाणे येथून पोलिस अधिकारी व पोलीस यांचा बंदोबस्त ठेवण्यात आला होता.

या विभागातील अनेक मान्यवर पुरुष व महिला उपस्थित होते.बजरंग सोसायटी चे चेअरमन रविंद्र राऊत यांनी यावेळी व्यासपीठावर उपस्थित असलेले मान्यवर श्री सिद्धिविनायक सहकारी गृहनिर्माण संस्था चे मुख्य प्रवर्तक विजय पाल जी, यांचा सत्कार करुन स्वागत केले.तसेच ललन राव यांनी श्री सिद्धिविनायक सहकारी गृहनिर्माण संस्था चे महासचिव भारत कवितके यांचा सत्कार करुन स्वागत केले.या प्रसंगी रविंद्र राऊळ,ललन राव,टिंकू खान, विजय पाल, भारत कवितके, कुमार सुगावे, निजामुद्दीन, राजेश यादव, प्रविण पाल, प्रभात पाल,सह तिन्ही सोसायटी चे पदाधिकारी, कार्यकर्ते, रहिवासी पुरुष व महिला मोठ्या प्रमाणात उपस्थित होते.छटपूजा कार्यक्रम यशस्वी होण्यासाठी विभागातील पुरुष व विशेषतः महिला भगिनीं परिश्रम घेतले.

 

सामाजिक
पंचायत समिती जुन्नर तर्फे ग्रामसेवकांना निवडणूक उपक्रमांविषयी शिबिराचे आयोजन
kalaranjannews 0

पंचायत समिति जुन्नर अंतर्गत तालुक्यातील सर्व ग्रामसेवकांना निवडणूक उपक्रमांचे प्रशिक्षण देण्यात आल्याची माहिती गटशिक्षण अधिकारी अनिता शिंदे यांनी दिली.

निवडणूक प्रक्रियेचे सर्व उपक्रम व त्याबद्दलची कार्यवाही बाबत ग्रामसेवकाना सूचना देताना पंचायत समिती जुन्नरच्या स्वीप नोडल अधिकारी तथा गटशिक्षणाधिकारी अनिता शिंदे यांनी सविस्तर चर्चा करून व योग्य ते मार्गदर्शन करत मतदार जनजागृती अंतर्गत मतदार प्रतिज्ञा, रांगोळी ,गृहभेटीद्वारे प्रत्येक मतदारापर्यंत पोहोचून मतदान करण्याविषयी जनजागृती करणे. मतदान केंद्रावरील सोयी सुविधांची माहिती देणे. प्रभात फेरी, रॅली इत्यादी उपक्रम कसे राबवावे यासंदर्भात माहिती देऊन निवडणूक प्रक्रिया व्यवस्थित रित्या पार पाडावी असे आवाहन करणायात आले.

तसेच ग्रामपंचायत अंतर्गत know your polling station या पद्धतीने सर्वांना मतदान केंद्रांची माहिती देणे अशा सूचनाही ग्रामसेवकाना देण्यात आल्या. सर्व विभाग हे काम करणार आहेत. यामध्ये एकात्मिक बालविकास विभाग, शिक्षण विभाग, पंचायत विभाग ,आरोग्य विभाग, बचत गट सर्वांच्या माध्यमातून मतदार जनजागृतीसाठी कार्यक्रम घेण्यात येणार आहेत.

कला कविता काव्य साहित्यिक
केसांत माळूनिया मराठी कविता
kalaranjannews 0

केसांत माळूनिया

 

केसांत माळूनीया गजरा

 फिरवीते सर्वांवर नजरा

लावण्यवती अहो अप्सरा

गिरकी घेतसे गरा गरा

 

केसांत माळूनिया गजरा

ठुमकत चाली भराभरा‌

चैतन्य आणते चराचरा

याैवनाचा दाखवी नखरा

 

केसांत माळूनिया गजरा‌

आनंद प्रीतीचा देई खरा

स्वभाव अजब हा गहरा

मूर्च्छा येतसे तरुण पोरां

 

केसांत माळूनिया गजरा

पदर सरकवी सरासरा

जीव हेातो घाबरा घाबरा

गगनाला मिठी मारे धरा

                                  

  कवी. संजय मुकूंदराव निकम, मालेगाव जि.नाशिक.

कला कविता काव्य पुरस्कार सामाजिक साहित्यिक
डाॅ.मधुसूदन घाणेकर यांचा आंतरराष्ट्रीय शताब्दी सन्मान
kalaranjannews 0

काव्य ,गायन, व्यंगचित्र, संपादन, अभिनय , ज्योतिष, हस्ताक्षर मनोविश्लेषण, शीळवादन आदि विविध क्षेत्रात डाॅ.मधुसूदन घाणेकर यांनी आंतरराष्ट्रीय पातळीवर मिळवलेल्या दैदीप्यमान कारकिर्दीबद्दल सनफ्लाॅवर USA संस्थेतर्फे नुकतेच आंतरराष्ट्रीय शताब्दी पुरस्काराने सन्मानित करण्यात आले.सदर पुरस्कार सनफ्लाॅवर,USA च्या आंतरराष्ट्रीय समन्वयक सौ.वसुधा नाईक यांच्या शुभहस्ते डाॅ.मधुसूदन घाणेकर यांना प्रदान करण्यात आला.

प्रास्ताविक आणि संयोजन ज्येष्ठ सामाजिक कार्यकर्ते वैभव नाईक यांनी केले.डाॅ.मधुसूदन घाणेकर सातत्याने देशविदेशात गेल्या 60 वर्षांहून अधिक काळ आपल्यामधील कलागुणांना विश्वाभिमुख करीत आहेत आणि त्यांच्या याच योगदानासाठी डाॅ.घाणेकर यांना सन्मानित केले असल्याचे सौ.वसुधा नाईक यांनी सांगितले.याप्रसंगी श्रीमती विद्या नाईक, हेमंत फुले, वैशाली फुले आदि मान्यवर उपस्थित होते. डाॅ.मधुसूदन घाणेकर यांना नुकताच इंटरनॅशनल सुपरस्टार ॲवाॅर्डही प्राप्त झाल्याबद्दल सौ.वसुधा नाईक यांचे याप्रसंगी अभिनंदन केले. डाॅ.मधुसूदन घाणेकर यांनी पुरस्काराला उत्तर देताना भारतीय अध्यात्माविषयी कृतज्ञता व्यक्त केली.

कला काव्य साहित्यिक
शब्दस्वरूप साहित्य मंचाच्या राज्यस्तरीय कवी संमेलनात अॅड. उमाकांत आदमाने यांनी केले बहारदार सूत्रसंचालन
kalaranjannews 0

छत्रपती संभाजीनगर प्रतिष्टान संचलित शब्दस्वरूप साहित्य मंच व सामाजिक बहुउद्देशीय संस्थेच्या द्वितीय वर्धापन दिनानिमित्त श्री. श्रुंगेरी देवी काव्योत्सव वर्ष चौथे वार सोमवार दि. ४ नोव्हेंबर २०२४ रोजी होणा-या राज्यस्तरीय कवी संमेलनात पुणे येथील कवी, साहित्यिक, निवेदक मा. अॅड. उमाकांत मधुकर आदमाने (नोटरी, भारत सरकार) यांनी केले बहारदार सुत्रसंचालन केले, छत्रपती संभाजीनगर येथे राज्यस्तरीय कवी संमेलनात मा. सुनिल डोके, (ग्रामीण कवी, लेखक, समीक्षक) संमेलनाध्यक्ष म्हणून उपस्थित होते ,उद्घाटक : मा. रज्जाक शेख (कवी, गझलकार, लेखक) विशेष अतिथी म्हणून मा. अशोक गायकवाड (प्रसिद्ध कवी शेतीमातीकार), मा. प्रकाश पाठक (कवी, लेखक), मा.सौ.निशा महेश कापडे (कवयित्री, लेखिका, प्राथमिक पदवीधर शिक्षिका), मा.विजयकुमार पांचाळ (कवी, लेखक, गुणवंत कामगार) अशी माहिती संस्थेच्या संस्थापक अध्यक्षा मा.सौ.पूजा राजेश घोंगडे व निमंत्रक / आयोजक / संयोजक मा. ज्ञानेश्वर काळे यांनी सांगितले.

छत्रपती संभाजीनगर प्रतिष्टान संचलित शब्दस्वरूप साहित्य मंचाच्या वतीने सौ. पूजा घोंगडे यांचे बंधु ज्ञानेश्वर काळे यांच्या ग्रामदेवतेच्या नावाने श्री. श्रुंगेरी देवी दीपावली विशेषाकांचे प्रकाशना या संस्थेच्या माध्यामातून सर्व मान्यवरांच्या हस्ते केले संस्थेच्या संस्थापक अध्यक्षा मा. सौ. पूजा राजेश घोंगडे व व निमंत्रक / आयोजक / संयोजक मा. ज्ञानेश्वर काळे यांनी दिली. पुणे येथील कवी, साहित्यिक, निवेदक मा. अॅड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्रमुग्ध केलेले आहे, आज देखील छत्रपती संभाजीनगर येथील होणा-या चौथ्या राज्यस्तरीय कवी संमेलनात बहारदार सूत्रसंचालन करून कवी संमेलन यशस्वी पार पाडले त्याबद्दल संमेलनाध्यक्ष मा डॉ. सुनिल डोक व श्री प्रकाश पाठक , मा.रज्जाक शेख आणि संस्थेच्या संस्थापक अध्यक्षा मा. सौ. पूजा राजेश घोंगडे व व निमंत्रक / आयोजक / संयोजक मा. ज्ञानेश्वर काळे यांच्या हस्ते आकर्षक सन्मानचिन्ह व सन्मानपत्र व शाल देऊन मा. अॅड. उमाकांत आदमाने (नोटरी, भारत सरकार) यांना गौरविण्यात आले.

Kala News News सामाजिक
नाशिकची साप्ताहिक मीटिंग हुतात्मा स्मारक येथे पार पडली
kalaranjannews 0

आज ५/११/२४ रोजी fescom नाशिकची साप्ताहिक मीटिंग मा.अशोक होळकर यांचे अध्यक्षतेखाली पार पडली. त्यावेळी हुतात्मा स्मारक येथे सविता बहुउद्देशिय कल्याणकारी संस्थेचे सचिव धनंजय चतुर यांनी सर्व पदाधिकारी यांना दिवाळी फराळ देऊन, सर्वांचा सत्कार केला.

त्या वेळी नानासो होळकर,मनोहर वाघ,क्षीरसागर तात्या, कातकाडे सर,धनंजय चतुर,प्रकाश महाजन, दादासो तिडके,विलासजी शिऊर्कर,शिवाजी होळकर, बेळे सो,लीलाधर बेंद्रे, भाऊसो सोनवणे,धुमाळ सो,मधुकर रकिबे सुनील साळवी,दिनकर कुलकर्णी , वसंतराव जाधव हजर होते. मां.होळकर नाना यांनी मार्गदर्शन केले v सविता बहुउद्देशिय कल्याणकारी संस्थेला शुभेछा दिल्या.शेवटी धनंजय चतुर यांनी आभार मानले.

सामाजिक
कांदिवली मध्ये राष्ट्रीय समाज पक्षाच्या निवडणूक कार्यालयाचे मा.महादेवजी जानकर यांच्या हस्ते उद्घाटन संपन्न
kalaranjannews 0

भारत कवितके मुंबई कांदिवली, पश्चिम

मंगळवार दिनांक 5 नोव्हेंबर 2024 रोजी सायंकाळी 5 वाजता कांदिवली पश्चिम येथील चारकोप विधानसभा मतदारसंघाचे उमेदवार श्री.सौरभ शुक्ला जी यांच्या राष्ट्रीय समाज पक्षाच्या निवडणूक कार्यालयाचे उद्घाटन राष्ट्रीय समाज पक्षाचे संस्थापक/राष्ट्रीय अध्यक्ष माननीय महादेव जी जानकर यांच्या शुभहस्ते संपन्न झाले.

कांदिवली पश्चिम येथील इंद्रा नगर,तयबा मस्जिद,न्यू लिंक रोड,जुनी लालजी पाडा पोलिस चौकीच्या शेजारी निवडणूक कार्यालयाचे उद्घाटन संपन्न झाले.यावेळी माननीय महादेव जी जानकर यांनी कार्यालयाची रिबीन कापून कार्यालयाचे उद्घाटन करुन उमेदवार श्री.सौरभ शुक्ला जी यांच्या माननीय महादेव जी जानकर यांचे पुष्पगुच्छ देऊन स्वागत केले.यावेळी जमलेल्या कार्यकर्त्यांना निवडणूकीत जास्ती जास्त मतदारांना शिट्टी या चिन्हावर मतदान करण्यासाठी प्रवृत्त करावे.व आपल्या राष्ट्रीय समाज पक्षाचे उमेदवार सौरभ शुक्ला जी यांना निवडून आणावे,या कार्यालय उद्घाटन प्रसंगी कांदिवली पश्चिम येथील जेष्ठ पत्रकार साहित्यिक गीतकार सामाजिक कार्यकर्ता, राष्ट्रीय समाज पक्ष चारकोप कांदिवली विधानसभा अध्यक्ष भारत कवितके, महाराष्ट्र सचिव जिवाजी लेंगरे, मुंबई उपाध्यक्ष रासपा रामधारी पाल, अनिल यादव, सरिता तिवारी, रामसिंग, गुलाब यादव, सुधाकर तिवारी, विजय शुक्ला, अरविंद सिंग,माता प्रसाद तिवारी व इतर राष्ट्रीय समाज पक्षाचे कार्यकर्ते मोठ्या प्रमाणात उपस्थित होते.

सामाजिक
सेवा हो धन हमारा। – आदिवासी बांधवांसोबत दिवाळी साजरी
kalaranjannews 0

राष्ट्रसंताच्या या भजनाप्रमाणे दरवर्षी प्रमाणे यावर्षी सुद्धा तालुक्यातील गुरूदेवसेवामंडळाशी एकनिष्ठ असलेल्या सातेगावातील दास संघटनेने दिवाळी निमित्त आदिवासी बांधवांना व लहान मुलांना नवीन स्वेटर, खेळणी, शालेपयोगी वस्तू, कपडे महिलांना साड्या वाटप करण्यात आल्या.

मेळघाट भाग म्हटला की आर्थिक दृष्ट्या मागासलेला भाग. आणि त्यातच दिवाळी ची सुरुवात म्हणजे थंडी ची सुरुवात. मेळघाट भागातील अत्यंत गरिब कुटुंबांतील मुलांना कपडे नसतात त्यातच थंडीचा मारा. हे सर्व पाहून यावर्षी. सेवा हो धन हमारा। – आदिवासी बांधवांसोबत दिवाळी साजरी.

हे सेवेचे १४ वे वर्ष आहे. दरवर्षी दास संघटना हा उपक्रम राबवीत असते, तसेच दहा दिवस अगोदरच पूर्ण नियोजन तयार करावे लागते, यावेळी खूप लोकांनी पैश्यांच्या रूपयांत मदत केली. व त्या पैशांनी नविन वस्तू खरेदी केल्या.व त्या वाटप करण्यात आल्या. या प्रसंगी दास संघटनेचे संस्थापक श्री. गजानन मु. काळे, श्री. नितीन टाक सर, राष्ट्रसंत मिडियाचे संचालक नकुल पालखडे, मोहित ढोले, सिद्धांत ढोले, गोपाल सगणे, अतुल सोनोने, विनोद इंगोले, आदि उपस्थित होते. निर्णय घेतला. त्या अनुषंगाने लहान मुलांना ५० स्वेटर, खेळणी, शालेपयोगी वस्तू, व महिलांना साड्या वाटप करण्यात आल्या. हे सेवेचे १४ वे वर्ष आहे. दरवर्षी दास संघटना हा उपक्रम राबवीत असते, तसेच दहा दिवस अगोदरच पूर्ण नियोजन तयार करावे लागते, यावेळी खूप लोकांनी पैश्यांच्या रूपयांत मदत केली. व त्या पैशांनी नविन वस्तू खरेदी केल्या.व त्या वाटप करण्यात आल्या.

या प्रसंगी दास संघटनेचे संस्थापक श्री. गजानन मु. काळे, श्री. नितीन टाक सर, राष्ट्रसंत मिडियाचे संचालक नकुल पालखडे, मोहित ढोले, सिद्धांत ढोले, गोपाल सगणे, अतुल सोनोने, विनोद इंगोले, आदि उपस्थित होते. दास संघटनेने मेळघाट दिपोत्सव २०२४ च्या निमित्ताने स्वेटर वाटण्याचा निर्णय घेतला. त्या अनुषंगाने लहान मुलांना ५० स्वेटर, खेळणी, शालेपयोगी वस्तू, व महिलांना साड्या वाटप करण्यात आल्या. हे सेवेचे १४ वे वर्ष आहे. दरवर्षी दास संघटना हा उपक्रम राबवीत असते, तसेच दहा दिवस अगोदरच पूर्ण नियोजन तयार करावे लागते, यावेळी खूप लोकांनी पैश्यांच्या रूपयांत मदत केली. व त्या पैशांनी नविन वस्तू खरेदी केल्या.व त्या वाटप करण्यात आल्या. या प्रसंगी दास संघटनेचे संस्थापक श्री. गजानन मु. काळे, श्री. नितीन टाक सर, राष्ट्रसंत मिडियाचे संचालक नकुल पालखडे, मोहित ढोले, सिद्धांत ढोले, गोपाल सगणे, अतुल सोनोने, विनोद इंगोले, आदि उपस्थित होते.