” कालचक्र”
काट्यामागे काटे पळती
फिरते कसे हे कालचक्र
क्षणामागे हे क्षण धावती
हेच आहे जीवनचक्र
सुखदुःखाचा लपंडाव हा
चालत असतो या चक्रात
दिसामागून दिस जाती
आणि सांगता होई मासात
प्रत्येक दिवस देऊन जाई
एक आठवण त्या दिवसाची
हिच पुंजी आहे रे
तुझ्या शेवटच्या श्वासाची
काय गेले काय उरले?
कसला हिशोब करतो रे
सारे काही असूनही
शेवटी शून्यच उरतो रे
म्हणून सांगतो मी गड्या रे
जगून घे येणारा क्षण
देऊन जा दुसऱ्याला काही
सदैव करतील तुझे स्मरण
हिच किमया या काळाची
जी सतत निरंतर सुरू आहे
काळ कुणासाठी थांबत नाही
हेच अंतिम सत्य आहे
मेघा भांडारकर, भंडारा
मो. नं. 8007166671
